芝士蟹肉焗通心粉
啖啖蟹肉好似食緊焗蟹蓋🦀🦀🦀
我用長腳蟹拆肉去整
當然可以用即食蟹肉、肉蟹、麵包蟹、甚至仿蟹腳肉去整
哼
食譜：
長腳蟹蟹腳 5條
用花蟹、肉蟹、罐頭蟹肉、麵包蟹、蟹柳都可以
煙肉 2片
洋蔥 半個(切粒)
粟米粒 隨意
淡忌廉 100ml
清雞湯 250ml
麵粉 2湯匙
通粉或意粉 隨意(先烚熟)
芝士 隨意
麵包糠 2湯匙
做法：
1.蟹腳拆肉，由於我買熟左蟹腳所以就咁拆肉
如果用生蟹就要先蒸熟
2.拆肉，我用了近10-15分鐘拆好
3爆香洋蔥粒、煙肉及粟米粒轉細火，加入麵粉同炒至膏狀
分幾次加入淡忌簾再成膏狀後就加雞湯
4加清雞湯煮成汁加少許鹽、胡椒，放入蟹肉再用用中火煮到個汁杰身就淋上通粉面
5.灑上芝士及麵包糠，放入焗爐 220度焗15-20分鐘或至表面金黃色便可以
*煮呢個我無落好多配料，怕蓋過鮮香蟹味
Day3 無論日本或台北，我每一日都會順住地方去就會方便好多唔使轉來轉去
所以用一日時間去士林科學館、兒童新樂園、士林夜市
朝早去一間cafe食早餐 "第二人生咖啡館"
佢兩父子食咖哩飯，而我就食軟殼蟹牛角包
我係一個唔太食早餐既人，但呢份早餐食得晒仲飲熱花茶
因為太好味
大少爺食軟殼蟹咖哩飯
跟住我自己去行街，包包同daddy去科學館 *科學館既相由大少爺影，佢影得好少
呢個科學館有幾層，佢兩個都未玩晒
最得意可以嘗試媽媽大肚感受，同埋有好多野睇
小朋友好值得去的 https://www.ntsec.gov.tw/
如果晌市林捷運站會有唔同巴士去得到
之後我晌兒童新樂園會合佢兩個，個樂園就晌科學館隔離
不過包包真係大個仔加細膽，佢乜都話唔玩
要我陪佢玩幼稚園版海盜船
排45分鐘玩單軌列車，摩天輪、最後玩碰碰車
都已經玩大半日，因實在太多人
最後去士林夜市，呢度好多攤位遊戲
我地3個都已經行到好累，加上小食檔太多人排隊
所以只係食小小串燒同埋車輪餅
個車輪餅超級無敵好味，真係好想再食
最後回酒店
Day 4
呢一日最期待係去無老鍋食火鍋
其實朋友有介紹過其他比我
但因為情意結我都繼續去返無老鍋
服務超好，湯底好味，連帶附送鴨血、豆腐都係好得
之後就行信義區，周圍都有年青人唱歌，唱得好好聽
跟住我就要食下午茶，蛋糕係我去日本或者台灣必定要食既
本身揀選唔同cafe，但人真係好累
見到新光三越"Florian 福里安花神咖啡"餐廳好吸引就入去食
件st. honoré cake 超好味
我要無咖啡因博士茶都好飲，大少爺話咁多咖啡呢度最好飲
而包包就食雪糕
食完繼續行，最後去繞河夜市，5點幾就去到
因為買好多野要預時間返酒店慢慢執行李
繞河係最多唔同食物，又有好多夾公仔店(但包包已被禁再夾)
呢個菠蘿包點解可以咁好味，酥鬆熱辣辣菠蘿包加球雪糕
其他食物，最後買多兩個胡椒餅就返酒店
最後一日終於食燒餅，晌酒店行幾分鐘就到
當然都係排隊店，但佢真係好好食
燒餅店 "原西橋下豆漿燒餅店"
個燒餅唔太厚配上熱辣辣香脆油條
之後就晌酒店繼續休息再出機場
去到機場又係買，買完入去食個牛肉麵同蛋糕就回程了
